حييتكم بتحية الاسلام @@@ @ @ الخالدة نعم التحيه
سلام يتقسم لكم اقسام @@ من بعدها مرحيب حيه
لاجل المخوه خطت الاقلام @@ كل العرب عندي سويه
لاجل المخوه سارت الاقدام@ من بوظبي تمشي حفيه
لاجل المخوه عيننا ما تنام @ @ هم عندنا ماهم شويه
الجابري ما تغيره الايام @ @ @ @ ساس العوايد لوليه
فالجود و المعروف و الاكرام @ @ وافي واشروعه وفيه
لقذ نوى عالصيد فز و قام @ @ يضوي بروس المربعيه
لقذ نوى بايمزق الاجسام @ @يطعن بخنجر حضرميه
ابن ال جابر دايمن مقدام@@@ و لاتجي منه خطيئه
الي عطاه التوت هو والجام @ @ما عذر يعطيه البغيه
والي عطاه المر هو والسام @ ماعذر مايذوق الرديه
لا فرق بين الخال والاعمام @كلهم في الشدة حميه
نفرح في يوم الفرح الزام @ @ ونحزن في يوم المنيه

ذا فصل والثاني مع الاحلام@ باكون في عيشة هنيه
اما في الواقع طفش و الالم @ مسكين من يده خليه
المغترب ياناس ما ينلام@ @ @ تكفيه بس المقطعيه
ياهايسي يامصدر الالهام @ @ @هتلي درر جزلة نقيه
بيوت القصيده شامخه فزحام@@كنها فيالق عسكريه
الشعر ورشه وهايسي اللحام كل بيت به عشرين كيه
بنشد على فيصل وعا صدام @ @اهل العروبه والهويه
من بعدهم صار العرب ايتام @ ترعى بلا راعي الرعيه
و الكلب لي قوته بقايا عظام@ اليوم ينهش في الطريه
و تساووا المظلوم والظلام @ و لا اعترف من هو الضحيه
و تقطعت مابينهم الارحام @@ @ و كلن في جوفه بليه
الصلح له اهله رجال احشام @ @يعطون ويانعم العطيه
يسوقهن قبله قطيره خطام @@@ من الجمال الدوسريه
وينصب في الرمله جبال خيام @@ و يكرم ظيوفه بالهديه
يذبح من الي لحمهن كرزام@ @ و قهوته الحلوه شجيه

ذا فصل و الثالث ملان الغام @ @ @ تقرح وقرحتها قويه
فالي دحقها نفذت لعدام @ @ بلمح البصر ماهي بطيه
بيتين عندي ريتها قدام @@ @ @هي القصيده والعنيه
ماهي عتب عاحد والا خصام @@ ولاحد يظن انها حزيه
اجتمعت الاحزان و الانغام @ @@ ماساة حصلت واقعيه
من حاره الثقبة من الدمام @ @ @جاني خبر نكد عليه
عند ال ماضي منكسه الاعلام وعند ال حاضر فن و صيه
بانسال الله الواحد العلام @ @ @@ يحفظ قبيلتنا الابيه
بانسال الله قاضي الاحكام @تسري على الوادي سريه
ذكر النبي محمد مسك ختام @ @ صل عليه رب البريه
صلاه مني عالنبي و اسلام @ @ اعداد طشات النشيه